Logo

आइतवार, फाल्गुण २३ २०७७Mar 07 2021

images

अफगानिस्तान : 'सुरक्षा  कारबाहीमा ७ तालिबान लडाकू मारिए'

अफगानिस्तान : 'सुरक्षा  कारबाहीमा ७ तालिबान लडाकू मारिए'

शुक्रवार, फाल्गुण ७ २०७७

  • 849
    SHARES

  • अफगानिस्तान : 'सुरक्षा  कारबाहीमा ७ तालिबान लडाकू मारिए'

    काबुल, फाल्गुन । अफगानिस्तानको दक्षिणी कान्दाहार प्रान्तमा सरकारी सुरक्षा  फौजले गरेको कारबाहीमा कम्ती ७ जना तालिबान लडाकू मारिएका रक्षा मन्त्रालयले जनाएको छ ।

    मन्त्रालयको विज्ञप्तिमा बिहीबार कान्दाहारको डन्ड र अर्घन्डाब जिल्लामा तालिबान लडाकू भेला भई सेनाको शिविरमा आक्रमण गर्न लागेको भन्ने सूचनाका आधारमा सेनाले कारबाही गरेको उल्लेख छ ।

    कारबाहीमा अरु तीन तालिबानी लडाकू पनि घाइते भएका थिए । सैनिक कारबाहीलाई सघाउन अफगान हवाई बलले पनि मद्दत गरेको रक्षा मन्त्रालयको भनाइ छ ।

    मन्त्रालयले विद्रोही तालिबानका एउटा कारबम, तीन वटा मोटरसाइकलसहित हातहतियार बरामद भएको जनाएको छ । सेनाले खोज तथा घेराबन्दी सैन्य कारबाही थालेपछि विद्रोही तालिबानको बलियो उपस्थिति रहेको कान्दाहारमा सुरक्षा व्यवस्थामा पछिल्ला केही महिनादेखि निकै सुधार आएको छ ।

    तर विद्रोहीले सरकारका खासखास स्थान र व्यक्तिमाथि साङ्घातिक आक्रमण गरिरहेका छन् । तालिबान समूहले भने उक्त घटनाका बारेमा केही प्रतिक्रिया जनाएका छैनन् ।

    शुक्रवार, फाल्गुण ७ २०७७०६:४६:२५

    डेमो खबर डेस्क

    सम्बन्धित समाचार