Logo

आइतवार, जेठ ३० २०७८Jun 13 2021

images

दिल्लीमा महामारी : अवरूद्ध मेट्रो रेल सेवा सोमबारदेखि सञ्चालन

दिल्लीमा महामारी : अवरूद्ध मेट्रो रेल सेवा सोमबारदेखि सञ्चालन

सोमवार, जेठ २४ २०७८

  • 853
    SHARES

  • दिल्लीमा महामारी :  अवरूद्ध मेट्रो रेल सेवा सोमबारदेखि सञ्चालन

    दिल्ली,   जेठ ।  भारतको राजधानी नयाँ दिल्लीमा महामारीका कारण अवरूद्ध शहरीे रेल सेवालाई सोमबारदेखि पुनः सञ्चालन गरिएको छ । कोरोना भाइरसको दोस्रो लहरका कारण अस्तव्यस्त भएको दिल्लीमा संक्रमणको दर घटेसँगै मेट्रो रेल सेवा पुनः सञ्चालनमा ल्याइएको हो ।

    कोरोना संक्रमण बढेपछि लगाइएको लकडाउन बिस्तारै खोल्ने क्रममा गत १० मे मा रोक लगाइएको मेट्रो सेवा फेरि शुरु गरिएको हो । यद्यपि, अहिले भने ५० प्रतिशत मात्रै यात्रु राखेर चलाउन अनुमति दिइएको छ ।

    जोर बिजोर बार पारेर पसलहरु पनि खोल्न दिइएको तर सुरक्षाका उपायहरु भने पालना गर्नुपर्ने मुख्यमन्त्री अरविन्द केजरीवालले जनाउनुभएको छ ।

    दिल्लीमा गत अप्रिलमा दैनिक १० हजार नयाँ संक्रमित फेला परेकोमा आइतबार ३८१ मा मात्रै सङ्क्रमण फेला परेको जनाइएको छ । विगत २४ घण्टामा भारतभर एक लाख ६३६ मा संक्रमण देखिँदा दुई हजार ४२७ को मृत्यु भएको छ ।

    भारतमा कुल कोभिड सङ्क्रमितको सङ्ख्या अहिलेसम्ममा दुई करोड ८९ लाख पुगेका छ भने तीन लाख ४९ हजारभन्दा बढी सङ्क्रमितको मृत्यु भएको छ ।

    भारतीय प्रधानमन्त्री नरेन्द्र मोदीले सोमबार राष्ट्रबासीको नाममा गरेको सम्बोधनमा भारतमा कुल २३ करोड २७ लाखलाई खोप लगाइसकिएको जानकारी दिनुभएको छ । उहाँले यो सङ्ख्यालाई आगामी दिनमा थप तीब्रतासाथ वृद्धि गरिने जानकारी पनि दिनुभएको छ ।

    सोमवार, जेठ २४ २०७८०९:१३:५४

    डेमो खबर डेस्क

    सम्बन्धित समाचार